wayak : " NGAWAQ "

Jambatan pekhing, kelom kutiti

Ijit-ijit sunakh bekhalak

Haga bu kundang, Nyak khabai hati

Ulih bapak mu pandikakh balak

Kilu pay mong, duit selawi

Inday gulik main lelayang

Ngegaduh manuk, kilu mu jawi

Nyak puyuh, ni sayang mayang

Katti sippang, bukhubah pasakh

Se Kappung bakhu mak hiyon lagi

Katti pulipang, hatiku sasakh

Nyak gattung galah di jukuk tekki

Anggop ku huwi, kusani tali

Wayit massom junjungan kawokh

Anggop ku niku temondo muli

Pagun sikop, mula nyak nyomokh

Hamu adek mak demon jekhing

Ku liyak niku ngenai keluwoq

Niku adek mak lagi gekhing

Ulih abang mak ngedok bewok

Khappa pai jawoh, Kembahang tuha

Ki lapah cukut jak ilung Suwoh

Nyak nunang luwot, hamu Nyak buha

Sekhabbok lagi niku ku kekhoh..!

Butapa do Nyak di pesagi

Kimak bu lollok di Danau ranau

Kajong tanno, mak demon Nyugi

Katti Tamong, cawa: ..'Nggak la yau,,

Gumah iwa di Tiyuh memon

Se Talang padang nabukh ko tuba

Nyak pekhcaya, Niku setemon

Ulih Nyak g

Ulih sallan, bukhung ku tinjuk

Mula ku pinja, bah batang gedang

Haga mengan, Niku dang mujuk

Kanah ku posok makai Tembilang

Najin sedop, Pucuk ni paku

Jak mengan pagoh, kimak ngekhukuk

Dang-dang Muli bukhak goh niku

Bidadakhi, mingan ku akuk

Kapan kak khadu togok lebakhan 

Tabukh Sekura, Ngakhip khik Liwa

Gekhing mu pegat, ano lattakhan

Mula tanno, tunang ku, khuwa

Kak khadu puput jak penggetasan

Kasakh hiyon hulun di Anjung

Setengah jam, nyawako khasan

Hegol bakasmu, Nyani Nyak lijung

Batang tembiyu, nyekhupa pakhi

Jak jawoh hakhi, nemon ku andan

Haga ku Akuk niku puakhi

Mak ku akuk, hati temadan

Tekhbaya gumah paku

Seladak di way bekhak

Jak unyin na Tunang ku

Niku say paling bukhak

Yukidah punjung batu

Dunggak ni Suka banjakh

Nyak demon jama niku

Ulih ipon mu jungakh

Api kabakh Way pekhing

Jak tegokh lebon sapi

Ya mula ni Nyak gekhing

Pudak mu bekhak tapi

Niku pedom di kubu

Nyak bu bendekh lom Anjung

Bulu cukut mu khebu

Bulu ikhung mu kejung

Yukidah candung khanguh

Tekhidang khedik kuta

Menok mulli kejanguh

Lebakh, kilisan mata

Tayuh di Teluk betung

Mulli mekhanai marok

Ngudut khukuk kelattung

Duit, lebon di koprok

Manjau tunang Way kekhap

Bapak ni santokh nge-heggol

Galut dunia sang tukhap

Artis kita sakhah bujeggol

Jak ipa mu pegaga

Jak tandang di kekhatta

Jak ipa niku haga

Nyak huwong, balaq mata

Wat pandan, di penggekh somokh

Di hak unggak sakhangan

Mak bakal niku nyomokh

Nyak malas, hawak mengan

Say khagah, tandang kulak

Bebay ni tandang Cambai

Ki cintaku, ni tulak

Emak mu ku khakhabai

Api say hujau-hujau

Kemiccak di penoppon

Mula Nyak ukhung manjau

Bapak mu sakik ipon

Api lapah mu duway

Haga ngekheng ko maju

Api pay haga guwai

Nyukkil kellang, nyak leju

Selimau ilung juyu

Semaka ilung kudan

Duli mengan mi bayu

Asal niku say ngandan

Lapah kham ninjuk bekhuk

Di Bandakh kejadian

Tanno Nyak tambah kheguk

Tunang lapah larian

TABIKPUUN,..

Hyogo ken, JAPAN. 28 Juli 2013

Hendri Semaka