Bias telu ngecatting
Tilasuh laju nyonjong
Sambol dilan khik jekhing
Puhayak sambil mejong
Kemunduk khasa kambing
kejuju mengan bakhong
Badan basoh di hiting
Kak tenai khadu betong
Lupa say mak kebimbing
Mak ingok sai mak khatong
Lebon unyin ni pusing
Tekhang mata kak nontong
Najin mawat ti ukhau
Mehuwap lassung khatong
Kedogok tuppak manjau
Andah ni tenai betong
Kung liyu kham kedogok
Ngipus hiting mehili
Luwah do kupi katok
Ikhingan gukhing hubi
Najin kham cangas buwok
Mak mandi moneh pagi
Waya sapa say menok
Ki tenai khadu ngisi
Injuk mak haga genok
Kak tenai kham ti sossoh
Jadi ko ya pengingok
Kak khatong khasa betoh
Say tuha saka ngicik
Tolohan ki kham mengan
Gulai say paling bangik
ki badan kham munyaian
Sukukh kham mingan Nyuwik
Najin suwa lalapan
Bias lain tenyattik
Kalau mak nyadang badan
TABIKPUUN,..
Bekasi, 02 Maret 2014
Hendri semaka
Tidak ada komentar:
Posting Komentar