SEGATA: KHASAN KHAM ANTAK IJA

kutekhima sukhatmu.

pukul siwa debingi.

dawat ni warna biru.

Hanjak nyak nekhima-ni.

Hanjak nyak nekhima- ni.

Mak sabakh ya kubaca.

Tekanjat nyak bunyini.

'khasan kham antak ija'

Khasan kham antak ija.

Sina puhum jak niku.

Lom hati mak pekhcaya.

Niku wi ngampalaju.

Niku wi ngampalaju.

Bukhubah mutuk khasan.

Sai tuha mak setuju.

Sina jadi alasan.

Sina jadi alasan.

Nyin mak-kejung batuyku.

Lebon sunyin hakhapan.

Bulamban nyak khik niku.

Bulamban nyak khik niku.

Khadu mak bakal lagi.

Injuk iwa lom gudu.

Khena nyak umpama-ni.

Khena nyak umpama-ni.

Kiniku haga panday.

Ibakhat ni kemasi.

Nyucuk di ujung tanggai.

Nyucuk di ujung tanggai.

Sakik ni mak kahingga.

Tagan nyak sai tikacai.

Asal niku bahagia.

TABIKPUUN,..

Bekasi, 26 Januari 2010

Hendri Semaka