Bella moneh setahun
Puput moneh cekhita
Semapu di lelakun
Lagi tahun say mena
Mak ti khassai, ya Lepun
Umukh kham kasakh tuha
Halok Dusa telambun
Kidang mawat ti khasa
Semapu di lelakun
Lagi nambi kekhuwa
Akuk ki sangun buyun
Umban kon ki cempala
Segala kesalahan
Dusa lagi dinana
Jadi ko pelajakhan
Dang kah cekhita hada
Bumacom kekukhangan
Gelakh ni manusia
Jadi ko ya, pegungan
Lapahan kak dinana
Musibah khik cuba'an
Khusia say Kuasa
Kantu kham lupa Tuhan
Ki hukhik, waya juga
Setahun khadu liwat
Jaman moneh buganti
Khencaka palas niat
Kalau tulus menjadi
Asal cukup di sakhat
Usaha dalih du'a
Sekhadu ni mupakat
Kalau togok kahaga
Kalau sehat, selamat
Sina pokok pekhtama
Khejeki kham bulipat
Kilu kham di say Kuasa
Du'a kham jama Tuhan
Allah Robbi ta'ala
Kita munyai mekhawan
Mejawoh anjak bala
TABIKPUN,..
Banjar Manis, Gisting. 2 Januari 2014
Hendri Semaka
*Pemuput ni kalimat
Selamat Tahun Baru
Ki pekhwatin, sepakat
Aamiin ko pay cawa ku.
Tidak ada komentar:
Posting Komentar