Segata: " PENGILUAN "

Du'a jama Ilahi.
Kedau sunyin ukhusan.
Mahap ajo kusani.
Segata pengiluan.

Mati luwak puakhi.
Sakik ni di khantawan.
Sallan nihan di gawi.
Mak khanggal sekulaan.

Kekheja jadi kuli.
Ni sani tan kayunan.
Say ngijah kanan kikhi.
Payah ngebagi badan.

Haga nihan kinandi.
Mulang mid pemekonan.
Nanom lada khik kupi.
Halok tenang angonan.

Kebun ni lom hanipi.
Tanoman ni hayalan.
Mula sampai ganta ji.
Ku penah najin sallan.

Lain wat suya hati.
kantu ajo bagiyan.
Mak ki ngukhang sekali.
Sukukh ku jama Tuhan.

Kipak lunik ulih ni.
Kekalau mawat Nyadang.
Mingan moneh bubagi.
Najin cutik di bilang.

Kilu ku di Ilahi.
Badan munyai mekhawan.
Hulun tuha puakhi.
Jawoh jak kecadangan.

Kalau bunjak khejeki.
Sappai di tahun depan.
Antak ija puakhi.
Segata pengiluan.



TABIKPUUN,..

Bekasi, 28 Maret 2014

Hendri Semaka