Segata: "LEBAKHAN"

Bella moneh puasa
Kasakh khedik Lebakhan
Ingok Unyin na dusa
Sekejung ni lapahan

Petika khatong buka
Mulang di pemekonan
Nyumbah jama say tuha
Di puakhi indayan

Say ngukha togok tuha
Mulang anjak Khantawan
Najin kah mulang laha
Mak ngedok tenguttayan

Petika khatong masa
Khadu benni penahan
Senang hati ti khasa
Najin setahun pissan

Mulang kaban jak Jawa
Semapu dilapahan
Mak sabakah haga tungga
Di Abang adek nakan

Hiyon tiyan Jakarta
Hulun gulik mulangan
Bumubil bu kekhita
Wat moneh memotoran

Melamon isi mija
Khayya kinjuk gulayan
Buwak bumacom khupa
Semapu di inuman

Bangik ni pujejama
Lupa unyin ukhusan
Kuppul tiyuh kelama
Sang pekon se-anjawan

Say ngukha mid say tuha
Jejama semahapan
Lipukh salah khik dusa
Amal jadi hakhapan

TABIK PUUN..

Bekasi, 10 Juli 2015

Hendri Semaka