segata : ''KARYAWAN'' ( NGAMIN MAK NEDA )

Maju ni pembangunan

Say wat di pulau Jawa

Nyani ko Hulun kaban

Segaga khatong dia

Haga nyippok pemengan

Utama ni Jakarta

Kota Metropolitan

Hana Rhoma Irama

Ninggal ko Pemekonan

Jak Sumatera-Papua

Nekhus ko kehukhi'an

Hijrah, hani Agama

Bilangan ni Juta'an

Khatong jak ipa-ipa 

Wat say jadi karyawan

Semapu di kekhajja

Awal Lapan puluhan

Ki mak salah, muaq na

Bidang perindustrian

Nemon di Indonesia

Sakik jadi karyawan

Lain ampai ku khasa

Najin mak kebadanan

Kidang mak ulah dia

Duit ulih gajihan

Semapu di ilung na

Balaq ni pengluwahan

Injuk mak bakal nyisa

Bela pakai pemengan

Pakai belanja pukha

Bayakh moneh kontrakan

Hutang nambi kekhuwa

Santokh Nyak kekukhangan

Nyegok, mustahil dia

Injuk hani sekiman

Mulang Ngamin, mak neda

Tuha kham di khantawan

Kah mulang pekon, Buka

Mak ti khasa kehuban

Nasip kham khajjo juga

TABIK

Hyogoken, 27 Agustus 2013

wayak: "PETANI" (NGINUM WAY JAK PENGAPAT)

"NGINUM WAY JAK PENGAPAT"

*

Sakik ni Nyak Bubukak

Nyusuk di pullan tuha

Mak melamon tengliyak

Jawoh jak indai kanca

Jawoh jak indai kanca

Puwakhi, Emak, Bapak

Mak mulang kimak Buka

Seminggu, moloh cakak

Seminggu moloh cakak

Moloh di Hukhik sakik

Putti matah temajak

Inuman kupi pahik

Inuman kupi pahik

Mak kebeli di Gula

Takhu di Anjung khupik

Nunggal di Pullan tuha

Nunggal di pullan tuha

Khadu induh ke Tahun

Ngandan kebun Kehuwa

Kidang kedau ni Hulun

Kidang kebun ni hulun

Buhakhap, wat tikhah ni

Halok sangun lalakun

Nasip ni Kham Petani

Nasip ni Kham Petani

Mekhalang Pedom lollok

Khega ngubukh di Bumi

Kapan kak Musim togok

Kapan kak Musim togok

Bias, Gula ni mahal

Nyak cawa lain Ngopok

Pemekhittah Kham jahal

Pemekhittah kham jahal

Mak kahud di Petani

Bubukak, bela mudal

Ngijon, ulang laju ni

Ngijon ulang laju ni

Kipak Tilah bu-dusa

Istilah ni Koperasi

Ngakuk sai, Bayakh khuwa.

Ngakuk sai, bayakh khuwa

Tambah kakumbang cutik

Tangih mikikh sekula

Kok hukhik kasakh sakik

**

Dakkung pay cawa hibat

Ki lamon di Industri

Kantu mak temon mawat

Pagun juga, Mengan mi 

Ki Nyak temon sepakat

Istilah Ekonomi

Nyin Negara kham kuwat

Senang ko pay, Petani

Khega kupi bulipat

Pengangguran mak lagi

Tajom candung khik Suwat

Huma, Dakhak, mak mangi

Sangun khadu Hakikat

Anjak tumbay sakaji

Kekhja ni, Unyin Rakyat

Yakdo Dagang khik Tani

Ulih api say mawat

Di Negara kham hinji

Kidang salah di Ubat

Nalom Ngaji, mak nguji

Nginum way jak pengapat

Mati luwak Petani

Hukhik santokh melakhat

Mak mgedok ngebila ni 

TABIK..

Hyogo ken, 01 September 2013 

wayak: "DEKHMAGA KENGINGIYAN"

Cutik pantun ku kakhang, dek..

Kutuju ko mid niku

Ku tulis dalih miwang, 

Nyin jadi angonan mu.

Ibakhat niku jukung, dek..

Kupenah di dekhmaga

Tali kukuh ku pegung

Niku mak labuh dija.

Dija lawok ni Khajuh, dek..

Dekhmaga kengingian

Niku ukhung bulabuh

Tegah motokh haluan. 

Dekhos humbak galumbang, dek..

Kakhas mecoh di batu

Jukung ipa ku tambang

Najin wat, lain Niku.

Haku kindo kekalau, dek..

Niat mak khanja-khanja

Jukung mu liwat helau

Mak tanggom labuh dija.

Dekhmaga kengingian, dek

Labuhan pinggikh khimba

Cadang sapa say ngandan

Khubuh, mawat say haba.

TABIK..

Hyogoken, 02 September 2013 

wayak: ''UKHUNG''

Kutanom pay do, pekhing

Di langan ilung kudan

Nyak midang, nitip gekhing

Hakhap ku ya ni Andan

Khanggal ni jukuk liyoh

Khanglaya Batu tegi

Bang kikha, ki Nyak jawoh

kahud mu, mawat lagi

Malih do umang-umang

Tinggal kekhuppang lagi

Pilih mu khadu sumang

Nyak tippik mak bu khetti

Tuwon ya, balaq kima

Ti banjakh kiyong lawok

Ku pupuh ya pekhcuma

Mak tanggom kham putawok

Penyana ku kakunang

Lampu di atas bagan

Nyak khelop niku senang

Hinji khadu bagian

Hukhang segok di kakhang

Salai ni khadu bukhak

Ukhung niat nyebekhang

Jambat ni tekhak bakhak

Bulabuh pay do, jukung

Ku tambang di dekhmaga

Mati Nyak sangun mangkung

Lebon unyin kahaga

Bubindikh niku Bukhung

Dunggak batang kahuwa

Sangun bacak do ukhung

Jak gekhing khiwa-khiwa

TABIK.

Hyogo ken, 2 september 2013 

segata: "KEHANGGUMAN"

Kehangguman ku Adik

Lain ki khatong ampai

Cawa lain sebudik

Memata ya kinjuk Way

Memata ya kinjuk Way

Khilau anjak lom hati

Mak puput jemoh sawai

Sampai nyawa mak lagi

Sikop mu Adek sayang

Ibakhat Bulan Bakha

Debingi laju tekhang

Katti Niku nyemuka

Katti niku nyemuka

Bingi mak kelom lagi

Cawa ku lain hapa

Niku Andanan hati

Khadu nemon penyin ku

Pilih ku khadu bella

Du'a dalih pengatu

Gekhing ku, ni tekhima

Gekhing ku ni tekhima

Khanno kilu ku Diku

Niku Uway, Nyak Iwa

Mati Nyak, kimak temu

Lassak lagi kemutik

Mak ubah ni ya Duku

Hanggum ku lain cutik

Khadu tunyin di Niku

Khadu tunyin di niku

Kekalau ya mak ngukhang

Nyin jadi angonan mu

Mula nyak tekhus tekhang

Tabik..

Hyogoken, 5 September 2013 

SEGATA: "JAHAT KETEKHI"

Api ngeba mu kahud

Wangga mu injuk sumang

Kuliak Niku singut

Halok hati mu cadang

Dang santokh ngambakhucut

Kantu sikop mu kukhang

Jak buwok togok cukut

Kahud sikam, mak ngukhang

Niat haga Sembahyang

Lapah benyulu di Way

Ulih say tuha sayang

Mula ngijah khek nawai

Niku mena Nyak dukhi

Sembahyang, mak Imaman

Dang kham Jahat ketekhi

Kok ti tagu, Ngahaman

Menggekhib Nyak di Punduh

Isya di Talang padang

Ki holon lagi Induh

Lalang ki Niku cadang

Khadu sembahyang Fardhu

Moloh luwot Usaha

Sapa say nawai Niku

Kimak sikam say Tuha

Dang kham jahat ketekhi

Cutik-cutik sekhingok

Bekhibok dilom hati

Lom kamar, Ngancing khangok

Sikam Abang, khek Kakak

Mak takhu ngijah nawai

Lain ki sikam hakhak

Pakai mu jemoh sawai

Bacak hija lom hati

Penyin ko pay cawa ku

Ulih, ulang laju ni

Pagun khugi di Niku..

TABIK.

Hyogoken, 10 September 2013

segata: "NANGGUH MENA"

Kilu ku diku Adik

Mahap ku di tekhima

Khumasa sanak sakik

Mula Nyak nangguh mena

Hukhik mu liwan bangik

Cukup segala-gala

Pemakai khik penganik

Anak tuha hahana

Abang, Adek ku khamik

Sina jengan ku ngaca

Ketutuk ni mak ngemik

Kukhang segala-gala

Lain ki Nyak sebudik

Ajo ampai ku khaba

Kidang haga khepa pik

Saking kahud ku sia

Pandai Nyak, Niku sakik

Kidang mak ulah dia

Hakhap ku dang ni binjik

Pengahud mu say saka

TABIK

Hyogoken, 9 sept 2013 

segata: ''UKHAWAN''

Kutekhima Ukhawan mu

Lepas asakh khani Minggu

Pita kuning, Warna biru

Lambang Sigokh lekuk pitu

Kubaca Lom ukhawan mu

Mak pekhcaya di hatiku

Gambakh kundang mu say baru

Cecok di gekhil gambakh mu

Ku hija ko ukhawan mu

Khabai kantu salah tuju

Kidang temon, Anjak niku

Ngukhau khatong di Guway mu

Hancokh khasa ni hati ku

Basoh, Sukhat ukhawan mu

Hiwang, haba mak bukhadu

Niku kundang, ngampalaju

Ku khatongi ukhawan mu

Najin biyak di hatiku

Ngeliyak niku Ngemaju

Jama kundang pilihan mu

Busanding do, kuti khuwa

Lalang waya, lom kelasa

Nyak mejong, di tuku dija

Miwang khik bu kikhim du'a

Moloh angon ku dinana

Lagi masa Kham pujama

Janji mu haga setia

Bang kikhani Cawa hapa

Najin lamon hulun cawa

Gekhing mu mawat sepikha

Mak nihan ya, ku khekhaba

Ulih sangking kahud sia

Kantu payu anjak ganta

Kilu ku di say Kuwasa

Du'a ku mid Kuti khuwa

Hokhek senang, selama na..

TABIK.

Hyogoken, 14 September 2013 

segata Lampung: "LAKUN HUKHIK"

Lakun Kham hukhik

Semapu di Dunia

Mak nungga bangik

Ki mawat kham Usaha

Balaq khik lunik, mak salah ni ti cuba

Ki guwai betik

Kekalau ya buguna

Pak ulih cutik

Kidang ya mingan lana

Akik ya gagik, pagun kitik demon ya

Lain te'nyattik

Halal hani Agama

Bangik ti kanik

Khasa ni sedop nana

Pak kupi pahik, kekhasa makai gula

Ki Jak ngebudik

Ngakuk Hak ni, keduwa

Nganik lom kebik

Cungak khilong kham juga

Bunyi Cacikhik, Injuk suakha jamma

Cawa dang Nyengik

Ti pikikh semangkung na

Ki hulun sakik

Tilah kham mansa dusa

Pak balak Henik, pasti wat balosan na

Ki nungga bangik

Dang santokh nebuk dada

Bubagi di Khik

Indai say mak kuwawa

Najin ya Cutik, Halok balaq khetti na

Hani kiya'i (k)

Say paham di Agama

Dang ti babinjik

Pengeni di keduwa

Tagan ya tippik, Amal kham kak dinana

TABIK.

Hyogoken, 15 september 2013 

segata: "MULLI SIKOP"

Sapa do, niku adik

Pudak mu helau nana

Tutukh cawa mu betik

Nyani Nyak butetanya

Nyak mikikh, bela angon

Hanipi api Nyata

Mak dapok ku ucak kon

Cawa di ujung emma

Tingkah laku mu helau

Sikop moneh di wangga

Nyani hati ku jajau

Anjak muaq kham tungga

Sikop goh Bidadakhi

Lom wakhahan khik lagu

Kok menok, Nyak mesikhi

Tangih haga ku tagu

Goh siakh Matakhani

Nyani silau di mata

Najin tungga mak benni

Lom hati hanjak juga

TABIK.

Hyogoken, 2o september 2013

segata: "LABUHAN BAKAU HENI"

Kupenah niku kundang

Moloh ngebatok janji

Khadu saka nyebekhang

Di pulau jawa dudi

Labuhan Bakau heni

Mak puput di penah ku

Kapal sandakh buganti

Isi ni lain niku

Kutanya di Dekhmaga

Api nihan ngebani

Hamu, tunggu nyak dija

Kidang Niku sebudi

Halok kahud mu tumban

Di Pulau jawa dudi

Ku tahan mak kebaban

Miwang Nyak delom hati

Da ikin Nyak di ladang

Ki hujung ni goh kheji

Mulang ngebatok hiwang

Penah ku mak bu kheti

TABIK

Hyogoken, 28 september 2013

segata: ''LACUKH''

Api do lacukh, Dunia khadu tuha

Khadu bu umukh, semapu di isi na

Ki payah ngukukh, tejajau kham andah na

Hacak jahik bang cekukh, maklum khupa mak bida

Tungga mekhanai, ya gagah tutuk gaya

Laju mu indai, mengan pedom pujama

Pedom ngekhesai, minjak miyoh jejama

Say nyani Nyak mekhabai, nyak menok demu hana

Mubil bugikhok, nyumang anjak pekhwatin

jamma khua budakok, selinggoman lom kain

Muaq ni sokhok, lom hati mawat yakin

Bakhong khadu ku penok, tyan khuwa mulli unyin

Ki manuk lacukh, pagun daging ni laku

ki jamma lacukh, budusa khadu tantu

ki mising bucukh, ubat ni pucuk jambu

kidang penyakik lacukh, bu tubat khik pengatu

Ti liyak-liyak, ti penyin ko papatan

Mawat ya panjak, maklum guda ni sitan

Tagan dunia kikhak, asal dang nyimbak badan

ki wat ti liyak jukhak, khetti ni ya luwangan

Haa..haaaaaa......

Naudzubillaah,,

TABIK.

Hyogoken, 28 september 2013

PERDEBATAN PENGGUNAAN KH DAN GH DALAM PENULISAN KOSAKATA LAMPUNG

10 Januari 2014 pukul 17:22

Oleh Diandra Natakembahang
Peminat Budaya dan Sastra Lampung
Tinggal di Bandar Lampung

Perbalahan dalam penggunaan huruf r versus kh dan gh sepertinya masih juga berlangsung, Udo karzi sebagai salah satu penulis yang kerap mengusung tema ke’Lampung’an masih juga  ngotot mengklaim bahwa penulisan r bagi kosakata Lampung yang berlafal kh atau gh adalah yang sah dan paling benar. Benarkah demikian? Udo menguatkan pembenaran argumennya dengan mengutip pendapat beberapa akademisi seperti Ir Irfan Anshory, Junaiyah H.M, Prof Frederik Holle, Prof Gijsbertus de Casparis hingga H.N. Van Der Tuuk, Udo juga mengutip manuskrip manuskrip Lampung terdahulu sepertimana yang tercantum dalam Les Manuscrifts Lampongs nya H.N. Van De Tuuk. Padahal sebenarnya sejak era kolonial yang berarti sebelum ejaan EYD digunakan pada medio 1972, justru telah dikenal penggunaan ch sebagai penulisan kosakata yang berlafal kh, sebagaimana di Lampung juga pada era keresidenan telah menggunakan penulisan ch pada teks teks berbahasa Lampung termasuk dokumen dokumen seperti Besluit [Surat Keputusan].

Udo karzi yang didakwa sebagai revolusioner dalam sastra Lampung justru terjebak pada klaim sepihak tentang pembenaran penggunaan huruf r sebagai satu satunya yang sah dalam penulisan huruf Lampung pada kosakata berlafal kh dan gh. Selama ini Udo karzi dikenal sebagai pendobrak dalam dunia sastra Lampung dan dianggap sebagai pionir dalam mempopulerkan puisi modern Lampung. Udo sendiri telah melanggar semua pakem dan tatanan syair Lampung, yang secara tradisional memiliki rima aa bb atau ab ab seperti dalam syair Pepaccokh, Bandung dan Segata. Namun sepertinya dalam hal penggunaan kh dan gh yang jelas jelas mengakomodir lafal kosakata Lampung, Udo justru memilih status quo. Dalam tulisan kecil ini saya ingin mengemukakan beberapa alasan dan poin mengapa huruf r tidak bisa menggantikan kosakata Lampung yang berlafal kh atau gh, dan bahwa penggunaan kh dan gh lebih pas dan ideal bagi kosakata Lampung yang berlafal sama.

Setidaknya ada lima poin yang mendukung penggunaan kh dan gh dalam penulisan kosakata yang berlafal sama. Pertama, Had Lampung saat ini terdiri dari dua puluh buah masing masing ka ga nga pa ba ma ta da na ca ja nya ya a la ra sa wa ha gha/kha, Ini jelas berarti bahwa ra dan gha/kha adalah dua huruf yang berbeda dan peruntukannya disesuaikan dengan kosakata yang akan ditulis, karena jika tidak dibedakan penulisannya maka pembaca khususnya yang bukan penutur bahasa Lampung akan mengalami kegalatan dalam membedakan huruf r yang dibaca r dengan huruf r yang dibaca kh/gh. Penulisan yang salah jelas akan mengaburkan arti yang sesunggguhnya, seperti hakhu yang dalam bahasa Lampung berarti pengaduk tanakan nasi jika ditulis haru maka para pembaca khususnya yang bukan penutur bahasa Lampung akan mengartikannya sesuai dengan pengucapannya, haru yang artinya jadi berbeda yaitu iba.

Kedua, komparasi yang tepat dan ideal dalam menggambarkan penggunaan lafal kh dan gh adalah seperti kho dan ghin dalam huruf Arab, persis sama dengan penggunaan kh dan gh dalam bahasa Lampung. Dalam penulisan aksara Arab juga dalam penulisan latinnya, kosakata yang menggunakan huruf kho atau ghin tidak lantas ditulis atau diganti dengan huruf r [ra] karena jelas arti dan maknanya akan jadi berbeda, hal yang sama tentunya berlaku dalam penulisan kosakata Lampung. Pelafalan kho dalam huruf Arab persis sama seperti pelafalan kh pada mayoritas penutur bahasa Lampung yang berdialek Belalau/dialek Api, sementara pelafalan ghin persis sama seperti pelafalan gh pada mayoritas penutur bahasa Lampung yang berdialek Abung/dialek Nyow.

Ketiga, penulisan kh/gh pada kosakata Lampung yang berlafal sama lebih lazim digunakan ketimbang digantikan atau ditulis dengan huruf r. Berbagai media penulisan teks berbahasa Lampung menggunakan penulisan kh/gh, mulai dari kehidupan sehari hari seperti saat menulis di sms dan media sosial hingga yang relatif formal dan baku seperti penulisan naskah pidato dipemerintah daerah, naskah berita dibroadcasting radio dan televisi seperti RRI dan TVRI, hingga buku buku pelajaran bahasa Lampung dan kamus bahasa Lampung. Beberapa kamus bahasa Lampung yang dimaksud adalah seperti Kamus Bahasa Lampung, Indonesia-Lampung dan Lampung-Indonesia oleh Drs Fauzi Fattah MM [Gunung Pesagi, 1998] dan Kamus Lengkap Bahasa Lampung, Indonesia-Lampung Lampung-Indonesia oleh Dr. Eng. Admi Syarif [Lembaga Penelitian Universitas Lampung, 2008]. Hal tersebut membuktikan bahwa secara empiris penulisan kh/gh jauh lebih lazim digunakan sehari hari hingga untuk kebutuhan yang lebih formal oleh penutur bahasa Lampung secara de facto ketimbang ditulis dengan huruf r.

 Keempat, dalam bahasa Indonesia dikenal beberapa konsonan atau gabungan huruf, masing masing adalah ng, ny, sy dan kh, hal ini jelas membuktikan bahwa penggunaan kh adalah sesuai dengan tata bahasa Indonesia. Pada Kamus Besar Bahasa Indonesia terbitan Balai Pustaka terdapat beberapa kosakata yang menggunakan konsonan kh seperti khas, khasiat, khalayak, khawatir, khitan, khianat, khidmat, khilaf, khotbah, khusuk, khusus dan lain lain. Ini jelas berarti bahwa KBBI juga mengakomodir penulisan kh dalam kosakata yang berlafal sama dan tidak menuliskannya dengan huruf r, h, k atau g. Pelafalan kh seperti pada kosakata kosakata yang terdapat dalam KBBI adalah persis sama dengan pelafalan kh pada sebagian besar penutur bahasa Lampung dialek Belalau/dialek Api. Contoh Ilustrasi penulisan seperti pada kosakata bahasa Indonesia “khas”, tidak lantas ditulis dengan kas, has atau ras, mengapa? Karena artinya akan jadi sangat jauh berbeda, kas artinya simpanan, has merupakan salah satu bagian dari daging dan ras artinya warna kulit, ini jelas menunjukkan betapa rancunya penulisan bila tidak disesuaikan dengan pelafalannya.

Kelima, penulisan huruf dibeberapa bahasa daerah di Indonesia seperti dalam bahasa Sunda dan Jawa, penulisan kosakatanya disesuaikan juga dengan lafalnya. Seperti bahasa Sunda yang mengenal tujuh vokal, selain a, i, u, e, o, bahasa Sunda juga mengenal vokal e pepet dan eu yang mirip dengan e pepet namun memproduksi suaranya dengan mulut lebih terbuka. Vokal eu terdapat pada kosakata seperti dieu, ceuk, peuyem, taneuh, beureum, meureun dan lain lain yang kesemuanya ditulis sesuai dengan pengucapannya, tidak lantas digantikan dengan e atau e pepet. Sementara dalam bahasa Jawa konsonan dh terdapat pada kosakata seperti wedhi, wedhok, randha, padha dan padhang yang juga ditulis sesuai dengan pelafalannya, tidak lantas ditulis wedi, wedok, randa, pada dan padang. Jika pada bahasa bahasa daerah lain di Indonesia penulisan kosakatanya disesuaikan dengan pengucapannya, lantas mengapa untuk bahasa Lampung menuliskan kh/gh untuk kosakata yang berlafal sama dianggap haram dan salah?

Lampung saat ini sudah kecolongan sehingga orang orang diluar Lampung bahkan elemen masyarakat Lampung sendiri telah salah dalam melafalkan kosakata dan kalimat bahasa Lampung yang dituliskan dengan r. Beberapa contoh kosakata dan kalimat yang dimaksud, seperti pada semboyan Sang Bumi Ruwa Jurai, Ramik Ragom dan Helauni Kibarong yang dibaca dan dimaknai sama seperti tulisannya, padahal seharusnya dimaknai dan dibaca sebagai Sang Bumi Khuwa Jukhai, Khamik Khagom dan Helau ni Kik Bakhong. Lalu nama nama daerah seperti Ranau, Seranggas dan Kerang juga akhirnya dibaca dan dimaknai sama sebagai Ranau, Seranggas dan Kerang seperti nama makhluk bercangkang tersebut dalam bahasa Indonesia, padahal sebenarnya nama ketiga daerah ini adalah Khanau, Sekhanggas dan Kekhang. Hal ini jika terus menerus terjadi akan sangat fatal karena secara akumulasi akan mengakibatkan pergeseran makna secara kebahasaan dan degradasi nilai dari sisi sejarah.

Selain pada kata dan kalimat berfonem kh/gh yang ditulis menjadi r, beberapa nama daerah telah mengalami pergeseran makna secara fatal karena berusaha di”Indonesia”kan dan dihilangkan unsur Lampungnya, seperti pada nama daerah Kota Agung, Kota Bumi dan Kota Besi, padahal yang benar adalah Kuta Agung, Kuta Bumi dan Kuta Besi. Dalam bahasa Lampung sendiri tidak mengenal istilah “city” atau kota melainkan “pasakh” sebagai pusat perekonomian atau niaga, sehingga ada penyebutan seperti Pasakh Liwa atau Pasakh Kuta Agung, pasar sendiri dalam bahasa Lampung disebut “pekan”, sementara “kuta” yang pada nama beberapa daerah bergeser menjadi kota, sebenarnya dalam bahasa Lampung berarti pagar atau pembatas, persis serupa seperti kata “huta” dalam bahasa Batak.  Ilustrasi dan komparasi diatas sebenarnya hanya ingin menggambarkan betapa pentingnya menuliskan kosakata dan kalimat yang disesuaikan dengan fonem dan pengucapannya sehingga akan didapat pelafalan dan makna yang sesungguhnya, selain itu juga menggambarkan apa yang terjadi jika hal ini terus dilakukan.

Oleh sebab itu, langkah pemerintah Kabupaten Lampung Selatan yang menuliskan motonya sebagai Khagom Mufakat bukan Ragom Mufakat, dapatlah dijadikan salah satu contoh langkah baru dalam mengakomodir penulisan kh/gh untuk kalimat dengan pelafalan yang sama. Penulisan kh/gh pada media tulis berbahasa Lampung yang selama ini sudah lazim digunakan dapatlah menjadi bukti tentang ciri khas kearifan lokal Lampung pada pelafalan bahasanya, namun tentu saja kita harus tetap arif dalam menyikapi dinamika terkait bahasa Lampung. Akhirnya semoga coretan kecil ini dapat menjadi masukan bagi para fihak, care taker dan tentunya bagi kita penutur bahasa Lampung untuk terus mengapesiasi eksistensi bahasa dan sastra Lampung pada berbagai sendi kehidupan secara lisan, tulisan maupun visual lewat berbagai media dengan tetap melestarikan keotentikan kosakata bahasa Lampung namun juga tetap kritis terhadap semua wacana terkait bahasa Lampung. ”Telaju Guway Pepakhda Haga, Telaju Kicik Pepakhda Ngangkon”

Suka