Wakhahan: ' TTS '

Sapa mak kenal Mat Tadol. Mekhanai jak pekon Akhahan say hingga nalom.

api juga say ni babah ko inday, iya hingga pandai, hingga paham segala guwai. najin kekala halu-halu badak.

Sipat hingga nalom na, ni bulup pukicik khik selalu waya. Hinnolah say nyaniko Mat Tadol, ni kenal khoppok togok luwah pekon. Mak mulli mak mekhanai, hanggum jama iya.

Lebakhan say liwat, iya nutuk inday na Mat Budik, mid Jakarta.

Mat Budik jo khadu benni di Khantawan. Kekhja di Pabrik Sepatu.

Jak katti bulan Puasa, Mat Tadol ngeson ko duit. Iya nyomokh nihan haga panday Jakarta.

Halok do kah babahan khik obrolan masalah Jakarta hinno iya say mak dapok ngawaq. Maklum, unyin inday di pekon pandai. ''Kesaka moneh Mat Tadol luwah midokh lepas jak Rajabasa.."

Lepas lebakhan, tiyan khuwa mu inday lapah mid Jakarta. Bakhong jama kaban Minak muakhi moloh mid khantawan. petika khadu bella masa Liburan.

Jak pekon Akhahan togok Bakau Heni, mak ngedok say "menyenyali" ni liyak.

Mat Tadol kah mekhisok nata di inday ni Mat Budik; ''..Lagi jawoh kodo..??".

Khanno juga iya butanya.

Kukhuk Kapal Ferry, iya moneh mak mubba. Ulih di pekon na, khadu khisok ngeliyak kapal say pubakaq-balaq. Maklum, pekon Akhahan mak jawoh jak pesisikh.

Singkat Cekhita, tiyan khuwa togok di pelabuhan Merak-Banten.

Cakaklah tiyan mubil bis jurusan Kali deres Jakarta.

Mak benni, mubil sopok. Lelegohan luwah jak terminal.

Pengamen khik say dagang Asongan khaggoh cakak. semapu say ni tawakh ko pedagang.

khukhuk, tissue, kani'an, minyak angin, togok kipas.

Mak benni, cakak moneh say dagang Majalah khik koran.

"Majalah.. majalah... Koran.. TTS..." (Hana say dagang)

Nengis kalimat TTS, Mat Tadol langsung ngukhau..

(iya ingok, di pekon saka, uwat menok nakan na ngisi TTS pissan). 

"Mas,, mas,, TTS nya dulu...!" (logat kham nihan)

"Oh,, iya. Boleh Bang..." (hana say dagang).

"Berapalah, harga nya ini...?!"

"Murah bang,, Cuma Rp.2000. Udah sama pulpen.."

Ni akuk Mat Tadol sai. Ni bebalik ko Lembakhan TTS togok di uccuk.

Jak pudak na, Mat tadol,mingan ti baca, iya injuk mak bukena.

Mat Budik, say mejong di gelikh ni hikhan.

"Menapi inday ku bang injuk kukhang menejang..?" kicik na lom hati.

Mak benni Mat Tadol cawa:

"Ini mahal banget Mas..! Udah harganya duwa ribu, masih kosong, lagi..!!"

"Kalau yang udah di isi, berapa..?". hana Mat Tadol nanya, sambil ngoloh ko TTS mid di say dagang.

Say dagang ngakuk TTS, kah mingan ngicik di hati..

"Mapas, jamma hijjo bang haga nyani-sani khusuh.." sambil iya tukhun jak Bis.

Padahal say dagang mak panday, Mat Tadol sangun mak paham.

Penganggop na, uwat jualan TTS say khadu ti isi.

Mat Budik kah ngukkuy hulu mak gatol. sambil menok ilung khelaya jak kaca.

Ngelepas ko liyom di penumpang khamik..

haa..haa...

LEPUN.

Bekasi, 24 Januari 2014.

TABIKPUUN,..

Hendri Semaka

*Gelakh, pekon, khik cekhita kah hehalu ni pengarang gawoh..