" PITU PADUMAN HUKHIK "

Lapah cuba kham aji

Paduman hukhik Lampung

Anjak zaman saka ji

Lehot Tuyuk gekhinung

Pitu paduman hukhik

Tanda Kham jamma Lappung

Ki mingan dang ya tepik

Lapah jejama pegung

1.

Mak nyekhai ki mak kakhai

Mak nyedukh ki mak badukh

Dang angkah labung Uway

Labung batu, mak mundukh

Nunggal delom las - bani

Luwah kukhuk di pullan

Jamma Lappung bekhani

Kipak maju tenggalan

2.

Khatong banjikh mak kisikh

Khatong bakhak mak kikhak

Di janji mak ki mungkikh

Najin khugi say nappak

Teguh ki sangun benokh

Bani bulup kuwawa

Sejimpang mak ki mondokh

Najin butakhuh nyawa

3.

Mak lessa tilah ya pegai

Asal mak jekha tilah ya kelai

Mak kenal basa palai

Asal santokh, laju do Guwai

Ki sangun citta kehaga

Mak pandai kheti leju

Sabakh bu ikhing Du'a

Tilah niat telaju

4.

Pak Huma pak sapu

Pak jamma pak semapu

Sepuluh pandai, sebelas ngulih ulih

Sepuluh tawai, sebelas milih pilih

Mak maksa di kehaga

Sumang isi ni hulu

Wat say demon pegaga

Wat milih pucuk paku

5.

Wat andah wat padah

Ya Ulah khappa Ulih

Ki demon pedom dawah

Khejeki laju malih

Bella hiting sang tiyak

Ulih, angkah sang catting

Mulang, usungan biyak

Ki haga mandi hiting

6.

Dang lakkang dang nyapang

Makhik pekon mak khanggang

Dang pungah, dang luccah

Makhik pekon mak belah

Lelaja kik di pekon

Jaguk di pekon nulun

Di indayan mu' akkon

Sanga pekon, kham khukun

7.

Uway na dang mebolok

Kidang iwa na, dapok

Bacak penuyu lapok

Jak batang ni, ti pelok

Mak hasin lapok uyah

Mak metokh tambah gula

Ki ninjuk nyani susah

Pasang puluk khik pinja

*

Tabikpun nabik tabik

Jama nekham sunyin ni

pitu paduman hukhik

Pegung, dipa ya sungi

Segata ni kusanik

Kulapok dija dudi

Mawat kiya me betik

Maklum ajo tembidi

TABIKPUUN,..

Bekasi, 22 Februari 2014

Hendri Semaka