Musibah dipa ipa
Semapu kemalangan
Ngilu tulung di sapa
Ki unyin kecadangan
Wat kena cung beliyung
Labung mak takhu-takhu
Hiwang, mekik mekayung
Uway khappa penyapu
Sedih nihan ti liyak
Kasihan kham ngedengis
Baban kasakh mebiyak
Nyawa khasa menimbis
Jakarta kena bakhak
Way togok penugungan
Semapu lamban kikhak
Mak mingan setulungan
Dang bu suya di Tuhan
Aji dikhi lom hati
Salah ni kham tenggalan
Lelakun lagi nambi
Way balaq mawat lagi
Bugatti peyuyyuhan
Negak di Kanan kikhi
Ya warung dalih lamban
Tanoh mak bekhak lagi
Bella kayu tanoman
Mall khik gedung ti sani
Mak ngandan penghijauan
Lain moneh halok ni
Imbas ni pembangunan
Liyak Negara dudi
Bunjak maju ni tiyan
Api hak ngejungi na
Salah Kita tenggalan
Hukhik sehaga-haga
Mawat nutuk atukhan
Lebon ko khasa suya
Jadi ko pelajakhan
Ki kham kahud di dunia
Kalau, ni sayang Tuhan
TABIKPUUN,..
Bekasi, 30 Januari 2014
Hendri Semaka
Tidak ada komentar:
Posting Komentar