wayak: "PUKAKAMBANG"

Bekhak ni tanoh Lampung.
Lain cekhita hada.
Labung kedok mak nudung.
Kulapahi, ki saka.

Tanggamus kuta Agung.
Ninggam teluk semaka.
Ukhung kita pubandung.
Mak nihan ku khekhaba.

Bulayakh pai do jukung.
Bulabuh di Tekhbaya.
Kidang janjimu ukhung.
Nyani hatiku suya.

Ngejala di pehabung.
Ngelawai di humakha.
Ganta nyak tepik nanggung.
Niku induh dipayya.

Bunyi talakekhumung.
Di tekhuggak Menggala.
Nyak tekhai kinjuk labung.
Khaccit ni mak sepikha.

Habang do niku bukhung.
Nyalai dunggak kelapa.
Sumpahmu dek, sebuhung.
Nyak disani tidaya.

Bu abik batik kappung.
Akkos hinjang cempaka.
Janji mu mak sepegung.
Ngegetas pakhi hapa.

Tanjung jati bah gunung.
Kappung bakhu di doh na.
Cakak jung mak budayung.
Pukakambang gelakh na.

Tabikpun..
Bekasi, Juni 2012