Minggu, 01 Juli 2012

WAYAK :"PAHIK"

Takhu di anjung lunik.
Tesetik di las bani.
Buhatok sikhap ngelik.
Kuyung jadi sassai ni.

Gelakhni anjung khupik.
Ya kamar ya dapukhni.
Pedom bupiyu abik.
Bubantal kakhung guni.

Ngeguwai kebun cutik.
Hulun moneh kedau ni.
Buwah ampai kemutik.
Lagi tangih musim ni.

Ninggalko pekon khamik.
Anak, kajong puwakhi.
Butahun lamban tippik.
Mati malang mu dikhi.

Dunia khasa pelik.
Hiyon dawah debingi.
Pak sai mawat ngedok khik.
Nunggal bukhani-khani.

Uyah, cabi tenggikhik.
Emmi tenghandop nambi.
Inuman kupi pahik.
Tangih ngedok suwani.

Kelalah di penganik.
Masa paceklik bani.
Mekhayang halom kulik.
Khambak hiwang lom hati.

Sallan kok haga hukhik.
Nyepok sekhok bah jami.
Haga nungga say bangik.
Induh kapan masani.

Lain ki Nyak sebinjik.
Busuya di Ilahi.
Nyusuk lom pullan sakik.
Ya Allahhu ya Robbi.

Tabikpun..
Bekasi, Juni 2012

Tidak ada komentar:

Posting Komentar