"PUISI BERBAHASA LAMPUNG" (lima)

"SUKHAT PEMUPUT"

Kutekhima sukhat pemuput

Say ni tulis di kekhattas kehanja'an

Budawat senang hati

Ku hija lelegohan

Ni tengot Inday ku Luwoh

khik kanca ku Sakik hati

Cutik, kidang sakik..

Ajo dia sukhat pemuput

Tanda gekhing ku mak lagi

Ajo dia sukhat pemuput

Bukti Kahud ku khaduwi

Ajo dia sukhat pemuput

Jejimmoh, mak kia khatong lagi

Ajo dia sukhat pemuput

Ku hakhap, ikin Niku ngebalos ni

"NIKU"

Niku,,

Say ketellu ngusung kehangguman mu

Bu pedatong janji sengikok

Niku,,

Say kekhuwa pagun makku

Nganik Bebuwak Kahud, Nginum Way sayang

Say ku undah ko

Niku,,

Say nambi nangguh tegah, Mulang geluk ngebatok belatuk

Nikhah ko khawang benna

Kebianjo,,

Niku lapah di hadap lamban, Ni arak jadi kebayan

Dija,,Nyak ngekhikkosi khawang benna.

tenggalan 

"KUBUKH"

Khadu puput khasa ni kahud

Ku kubukh di pecuccu'an Kenyuwohan

Ku timbun makai tanoh sakik hati

Ku baca sukhat-sukhat ngelagok

Semakkung ku tanom, batang lupa

"SELO'AN"

Tumbay,,

Say Tuha, say ngukha, bakas khupa na

Buselo'an mid dipa-ipa

Duma, midokh, pujama di kelasa

Besi Tuha, besi ngukha semapu khupa

Di Tengah khang na. mak ki asuk ga

Mak liyom, mak sikhi, Ano budaya

Sekhadu na,,

Pemekhittah ngijah ngekhana

Kipak Adat, Najin Budaya

Takhu ko dia..

Gelakh na Kham lain di Khimba

Nukhut, maklum Ijah Negara

Say ngacat, say pingol

Ti tinjuk pak appai luwah Duwakha

Najin ia haga ngekhikhik

Di luppak way, liwat Nyawangan tuha

Tanno,,

Besi Tuha khadu Tahi gakha'an

Besi Ngukha ti pakai di penyabiyan

Kinandi, Bekhattih khik khappuk

khadu gatti Selo'an

Bedil-bedil busendawa, pilukh-pilukh Timah waja

Kham pagun khajjo-khajjo juga

Ulih mak mungkin dia, Ngoloh ko Budaya

Say mudah,Ikah nyadang ko ya

TABIK

Hyogoken, 03 Oktober 2013 

"Dang ni pukhadu"

Hati ku lesoh

Benni kham mawat tungga

Nyak tikham jawoh

Ku sepok mak ku dipa

Bukhambak luwoh, Kapan Niku tabinta

Di tengah bingi

Ku tontong ko di Bulan

Layau lom hati

Niku delom angonan

Induh masani, Kham dapok setungga'an

Puas do, Sayang

Kinjuk ya mingan ku 'di

Tagan Nyak habang

Umpama, Nyak wat keppi

Sejakh bu kukhang, Tikham kita lom hati

Hakhap ku diku Du'a jama Ilahi

Sabakh do nunggu

Tuwon ko dilom hati

Dang ni pukhadu, sampai togok masa ni

TABIK

Hyogoken, 2 Oktober 2013

wayak "LAGI INDUH"

Sedong tikham ku sandang

Beni kita mak tungga

Ngeliyak kenui habang

Angon ku mak kehingga

Nyalai di batang khandu

Habang dunggak  kepunggukh

dipa Ku ingok niku

Disan luwoh ku gugukh

Mati anak bekhuga

Ni sayang, Induk Mayang

Dipa niku tabinta

Disan sungi ku miwang

Mayang moloh mid salai

Anak ni khadu nunggu

Induh kapan, Nyak kelai

Pujawoh anjak Niku

Salai ni Ganta cadang

Anak tetawai hambokh

Ngelamun Nyak di gakhang

Miwang Nyak, Ilung dapokh

Si Kenui kasakh tuha

Kepunggukh khadu khubuh

Puput moneh cekhita

Tungga kham lagi induh

TABIK

Hyogoken,14 sept 2013 

"BUWAYAK"

Assalamualaikum

Tabikpun ngalimpukha

Ngilu pusikam maklum

Tubbang salah di cakha

Pepadun khik Sebatin

Punyimbang Khaja-khaja

Kimmas, Minak khik Khadin

Jama se'unyin Makhga

Lain ki saking nalom

Atau bekhak tengliyak

Kinandi lagi liyom

Sikindua buwayak

Lain Budaya ampai

Sastra Lampung buwayak

Ajo budaya tumbay

Zaman sekala bekhak

Lapah sunyin kham Lampung

Belajakh nyani wayak

Kantu lebon mak ukhung

Bahasa kasakh kikhak

Budaya kham say Agung

Lamon say mawat panjak

Sapa say haga nulung

Kimak kham geluk minjak

Memuaq ni ya demon

Tagan kipak ya bukhak

Busukukh lagi lamon

Say nyuba nyani wayak

Indai kanca puwakhi

Say jak doh, khik jak unggak

Lapah kham pelajakhi

Seni budaya wayak

Kejuju ni say ngukha

Kita say lagi sanak

Lagi tajom di Takha

Pengingok lagi Bunjak

Asal kham dang Ngehaman

Tulis kipak ya Buntak

Asing khanggal tanoman

Pagun muaq ni bakak

Khanno do pay pekhwatin

Tabik, maklum say ngukha

Kilu mahap se Unyin

Puakhi inday kanca

Wat salah, tulung maklum

Kinjuk tali, nyak khapuh

Wassala mu alaikum

Susun jakhi sepuluh

TABIK.

Hyogoken, 10 september 2013 

'ICHA NABILA PUTRI'

Saka, lagi mengukha.

Ayah putungga mulli.

Ki haku ya sempukhna.

Induh ki sebenokh ni.

'Khasan temon', nyemuka.

Nikah sikam laju ni.

Injuk ni mak pekhcaya.

Kidang ano, nyata ni.

Benni nikah, mak juga.

Ngedok pengubat hati.

Khedik di Say Kuasa.

Budu'a debi pagi.

Pitu bulan, mak juga.

Ngedok tanda-tanda ni.

Kelom dunia ku khasa.

Kung juga wat jawab Ni.

Pagun bukilu juga.

Ulih, ulang lajuni.

Niku lahikh di dunia.

Khua Maret, tepat ni.

Subuh di pukul khua.

Ngahapat, subuh khani.

Seminggu anjak sina.

Tengan, di Maulid Nabi.

Di khua khibu siwa.

Ya khebu, di khani-ni.

Khanno awal cekhita.

'ICHA NABILA PUTRI'.

Ku ukhau niku ICHA.

Lain mawat maksud ni.

Kekalau niku waya.

Guai nyenang ko hati.

Kahud di hulun tuha.

Dalih ahli puakhi.

Dang cawa sembakhana.

Khanno kilu jak hati.

Khedik jama say kuasa.

Nalom sembahyang ngaji.

Dang mudah kena guda.

Teguh ko dillom hati.

Lamon-lamon ko cawa.

Dang bukhibok lom hati.

Bugukhau lalang waya.

Kidang ingok, batas ni.

Niku, Anak pekhtama.

Haga Lamon baban ni.

Kulajakh khik ku jaga.

Najin nyawa takhuh ni.

Kalau dapok bahagia.

Sappai togok masa ni.

Ni sayang hulun tuha.

Sunyin ahli puakhi.

Kanah, kak khadu tuha.

AYAH mak gagah lagi.

Di Niku khang ku nanya.

Ki mak paham lom hati.

Ki Ayah wat kehaga.

Astawa khugui hati.

Tulung Ayah ti BILA.

Ki Icha wat daya ni.

Lohot ku antak ija.

Mak ngidok tambahan ni.

Kalau Tuhan say Kuasa.

Ngabul ko, Du'a sinji..

 TABIK,..

Bekasi, 27 November 2009

*dalam iringan gema takbir, tahlil dan tahmidz. 10 dzulhijjah 1430 h.

FERNANDO GUSTIAN HENDRI

Butakbir dija dudi.

Pujian di say kuasa.

Togok di Idul fitri.

Tanda puput puasa.

Busukukh jama Tuhan.

Togok du'a kehaga.

Pekhettok kesappaian.

Niku lahikh di dunia.

Sukukh jama say kuasa.

Allah tuhan kham anak.

Senang hati ku khasa.

Mak dapok kucak ucak.

Ahad, di siwa belas.

Bulan kemerdekaan.

Khua khibu khua belas.

Ketenganan lebakhan.

Niku say nomor khua.

Anak bakas, kahudku.

Jam enom kukhang lima.

Satu syawal mehayu.

Fernando Gustian Hendri.

Khanno gelakhmu anak.

Bu pi'il pusenggikhi.

Nalom, dang kalah ungak.

Mejawoh anjak bala.

Munyai dalih mekhawan.

Cukup segala-gala.

Khanno kilu di tuhan.

Iwak ko emak bapak.

Sunyin kaban puakhi.

Dipayya khang mu tuppak.

Di hadap, dang ki dukhi.

Nukhut ijah say tuha.

Sunyin ahli puakhi.

Jawoh ko sifat nuha.

Sondom goh kuning pakhi.

Lamon-lamon tengliyak.

Dang mak luwah jak pekon.

Baban mu haga biyak.

Hakhapan ku melamon..

TABIK.

Bekasi, 19 Agustus 2012

wayak: 'MUDIK' (mulang pekon)

Pembangunan mak khata. 
Mula malih jak sungi. 
Ngebedak tanoh jawa. 
Di pekon kasakh mangi. 

Nengis kabakh cekhita. 
Tian say mena dudi. 
Usaha di Jakarta. 
Injuk bangik ti dengi.

Yamula lagi saka.
Bulat niat di hati.
Nyuba nutuk usaha.
Duli kipak ya kuli.

Kekhja di pulau jawa.
Khadu tulis ni dikhi.
Jawoh jak hulun tuha.
Jak indai khik puakhi.

Usaha di Jakarta.
Di tangerang, Bekasi.
Di Bogor, purwakarta.
Semapu di jengan ni.

Semapu di usaha.
Bumacom di khambak ni.
Dagang, wirasuwasta.
Wat moneh jadi kuli.

Mak mulang kimak buka.
Setahun kah sekali.
Nyilau tian say tuha.
Mampan ko tikham hati.

Pedatong mak sepikha.
Cukup ongkos goh jadi.
Say penting pujejama.
Kuppul minak muakhi.

Mawat tikhasa-khasa.
Bela moneh waktuni.
Kipak tikham kung bela.
Moloh, ulang lajuni.

Tinggal luwot say tuha.
Kipak biyak di hati.
Ngusung semapu du'a.
Nguccang ko khilau hati.

Dimubil mak kekhasa.
Mata basoh khasani.
Angonan induh dipa.
Kok lalang nyak tengbidi.

Kattu say penting du'a.
Kalau tulus menjadi.
Togok niat khencaka.
Munyaian kham unyinni.

Bela di khappa cakha.
Mak ki ngedok hasil ni.
Mawat ti khasa-khasa.
Bela moneh sekhani.

Usaha api juga.
Asal halal judul ni.
Liyom khik balak suya.
Khadu mak zaman lagi.

Kuwa lagi mengukha.
Menggekhib lagi benni.
Lagi metajom takha.
Hotok calak khik bani.

Tabikpun.
Bekasi, 1 agustus 2012 

Puisi: 'NGELAGOK'

Ngelagok, sikindua di kutti khoppok. 
Menapi pangikhan tilelabah tilapok-lapok. 
Payu, payu pusikam jejama conggok. 
Iya, iya pak sai mak digok. 
Induh kutti khoppok lagi kedogok.. 
Api senangun lagi pedom lollok..? 

Sikam say ngukha dija ngelagok. 
Haga busadu mak dapok.
Haga makhah, mak mehalok.
Busuya, halok kah sengapelok.
Sedih, kipak kah khua ngikok.

Sikam say ngukha dija pagun ngelagok.
Makkung ki budaya kita tittok.
Kidang sikam khabai ia mak melana, khappa hasok.
Mawat do, ki adok kham cakkok.
Kidang cadang, andah ni kutti khoppok.
Mekhawan pagun uwat say ngukha-ngukha say bakhih mak mesokhok.
Mak moneh ngukhang, hanggum sikam di saibatin, pak balak sekhok..

Halok mak kimingan kham sekicik, mejong putawok.
Najin khia..
Sikam say ngukha dija mak ki sukhut kipak sekhabbok.
Haga ku sukhah ko sikam, kipak mawat say menok.
Mak takhu,..
Kipak kah ni tengis lawok. 



tabikpun.. 


Bekasi, 11 sept 2012 

'WAYAK KIKHAK' (fesbukan)

Jak Tanggamus, Semaka. 
Di kecamatan Gisting. 
Wayak bukhak nyemuka. 
Kisalah, kilu bimbing.. 

Banjakh manis pekon kham. 
Kebuayan Tekhuggak. 
Wayak nuju pusikam. 
Judulni 'wayak kikhak'..

Bekasi jengan ganta.
Di jatimulya Tambun.
Kantu salah di tata.
Sikindua, 'tabikpun'.

Kham khadu sekenalan.
Najin ampai di facebook.
Makkung ki setunggaan.
Maklum, jejama sibuk.

Geddahni kemajuan.
Sukhat mak jaman lagi.
Twitter dalih facebookan.
Sungi kita bubagi..

Nutuk do kham facebookan.
Goh inday kanan kikhi.
Muak ni kham kenalan.
Kalau jadi puakhi..

Melamon do kenalan.
Suntan togok Bupati.
Sejjakh pak setinggulan.
Khanno pekhettok hati..

Status baru disani.
Komentar say titunggu.
Ya tukhun pagi khani.
Angkah mansa kelimpu..

Say nalom di agama.
Bagi hadist khik firman.
Sejjakh nambah pahala.
Guna-ni 'pertemanan'..

Lain moneh kah cutik.
Ngewada pemekhittah.
Ngekhasa kena ilik.
Nulis sendali makhah..

Say dagang juga lamon.
Mubil, motor khik badik.
Induh ano satemon.
Api haga ngebudik..

Sangun watdo bekhita.
Mekhanai nyulik muli.
Najin melamon juga.
Bulambanan andahni..

Wat say nyani cekhita.
Nyela astawa ngopok.
Wat moneh cawa khuta.
Semapu di pekhettok..

Payu do kham pekhwatin.
Muakhi seangkonan.
Pepadun khik saibatin.
Dang sampai secadangan..

Hadat budaya, andan.
Sang bumi khua jukhai.
Kalau dia kesiwwan.
Togok di jimmoh sawai..

Setanya kham dikabakh.
Setaguan pak cutik.
Bubagi dang setakakh.
Sunyin ilmu say bettik..

Najin 'online' mak benni.
Sejjakh kippak sekhabbok.
Wayak, wakhah, tisani.
Nyin Lappung goggoh khoppok..

Kipak jengan pujawoh.
Muakhi se'angkonan.
Kilu kham halok gegoh.
Kalau munyai mekhawan..

Wayak kham mak sepikha.
Khadu pay sengatukhap.
Tabikpun, ngalimpukha.
Tubbang wat tekaliccap.. 

SEGATA: "SELABAKH ANAK MAKHGA"

Pemimpin tanoh lampung.

Jo lehot jak semaka.

Janjimu say kupegung.

Lagi kampanye saka..

Haga majuko lappung.

Nyin goggoh di kadua.

Yamula ni mak ukhung.

Nipilih sanga makhga..

Lain ki-nyak sahitung.

Ngilu balos dijasa.

Pusikam lain 'basung'.

Kantu, 'jagung' ni sia..

Ibakhat aji mumpung.

Niku do penguasa.

Semakkung niku lijung.

Di gattiko kadua..

Tabuh kiccong ko 'gung.

Sani guwai say nyata.

Najin wat guttukh-labung.

Dang mandok di khanglaya..

Dang khappa injuk bukhung.

Kah hatang disuakha.

Janji saka tipegung.

'tulung, iwakko makhga..'

Ngabahko kaban bekhak.

Dikota dipumatang.

Khelaya gulik kikhak.

Gunung lamon say cadang..

Liyak suku say bakhih.

Jaya di khang tenggalan.

Ya ulah khappa ulih.

Hani bunyi sekiman.

Liyak negekhi batak.

Astawa di palembang.

Khadu mesaka cakak.

Kebunyi togok sebekhang..

Geluk-gelukko minjak.

Dang kah nunggu gumakhang.

Najin mak paling unggak.

Penellu goh, kham senang..

Dang benni ga tapeddom.

Lamonko ngaca dikhi.

Santokh conggok khik sondom.

Khappa haga lajuni..

Hayutta lapah kidah.

Sikam say ngadukungni.

Nyin lappung mingan nengah.

Dang segalana, dukhi..!

Khadu kepelok lapah.

Pemekhittahan kutti.

Mula nyak buginalah.

Nulis isi ni hati..

Cuba liak say dibbah.

Dang santokh di 'kekhussi'.

Anak negekhi susah.

Korupsi nambah njadi..

Pusikam dunggak bangik.

Dang ngeluh makin suwang.

Khegga gulik mid langik.

Khappa sikam mak miwang..

Segala penghakhapan.

Jejama ngangon koni.

Lapah kham setawitan.

Sunyin anak negekhi.

Pemimpin dihak depan.

Say nalom khik mebani.

Mingan jadi tutukan.

Kenyin holon mesikhi.

Say tuha dang pinggikh ga.

Say ngukha lapah nengah.

Ki kham puliyom juga.

Khappa laju kham kanah..

Lain ki nyak mejahal.

Lain mawat busukukh.

Sekula, bubat mahal.

Hulu sulah mak cukukh..

Hakhapku dang-ki makhah.

Dang moneh bolok hati.

Sangun sikam say dibbah.

'oposisi sejati...!!'

Tabikpun...

Gisting, mei 2010.

Wayak: ''TENEMUAN''

Semapu punyandangan.
Hukhik dillom dunia.
Melamon kehagaan.
'Wat hati mak bujiwa..!'

Tetangga dihadapan.
Lamban ni loteng khua.
Bekhak ni pemalapan.
Khappa lapangan bola..

Lamon bu-gegaduhan.
Kebau segala khupa.
Mubil terrano nissan.
Motorni ngakhakhua..

Mak jaoh dihak kudan.
Kebun kupi khik lada.
Sabah mak keculu'an.
Sakking lamon bilangna..

Bakas di kejaksaan.
Babbay gukhu sekula.
Warung dihadap kanan.
Bujangan ngalalima..

Luggak ni tenemuan.
Mak goggoh dikedua.
Simakna mubil nissan.
Kham makai khuda khua..

Akik hinno kreditan.
DP-ni khua juta.
Lima khatus sebulan.
Tellu tahun bennina..

Kham takhu dikontrakan.
Panas ni mak kahingga.
Dapukh busassay papan.
Kak labung, tukhuh juga..

Gaji kuli sebulan.
Sangkhupiah mak nyisa.
Khituk nyippok injaman.
Kak togok tanggal tuha..

Wat niat memidokhan.
Mid di Ancol Jakarta.
Bang cawa ni inggoman;
'susu anak kham bella..'

napayu do inggoman.
Kham dang lejju bu-du'a.
Kekalau kehukhi'an.
Mak goggoh khajjo juga..

Injuk hani sekiman.
'hukhik ibakhat khuda'.
Kekalau kadolokhan.
Kham goggoh dikedua..

Ketubbang kanah mingan.
Kehukhi'an wat juga.
Dang lupa jama Tuhan.
Ingok muak kham saka..

Sayang di say mak khawan.
Yatim khik miskin papa.
Dang lagak goh jukhagan.
Khadu mak liyu dia...?!

Tabikpun..!

Banjakh manis' Gisting, Tanggamus, Lampung mei 2010.

Opini: ''ANAK CERDAS''

Di-sekolahnya, 'BADU' terkenal cerdas. 

Suatu hari, menjelang bell-pulang sekolah...

IBU GURU: 'anak2, sekarang ibu mau kasih pertanyaan. siapa diantara kalian yg bisa jawab, boleh pulang duluan...'
kalian mengerti..?
MURID: 'mengerti bu..!!' (serempak)
IBU GURU: Siapa pencipta lagu indonesia raya.?
'wr.supratman.!' (teriak temon..) 
IBU GURU:'bagus. skrg temon boleh pulang, duluan'.
IBU GURU:'naah.. kalau PELANGI-PELANGI, ciptaan siapa.?'
BADU:'CIPTAAN TUHAN, bu'. (teriaknya)
GURU:'salah badu. siapa yg mengajari.?'
BADU: 'NYANYIKAN SAJA SENDIRI...'
(jawab badu sambil berlalu keluar kelas..) 

> terkadang dunia pendidikan kita memang lucu, (tidak semua tentunya).
Tata cara penyampaian pelajaran (makalah) oleh guru, tidak memenuhi standar EYD. Dalam kasus di atas, kenapa Guru tidak bertanya 'siapa pencipta lagu pelangi-pelangi saja..?


TABIK,..

Bekasi,21 April 2010

PUISI: ''MAAF KU, IBU''

Kerutan diwajah mu makin tampak.
Keriput tangan mu menunjukkan kegigihan dikala mudamu.
Rambutmu kusam memutih, Pertanda fikiranmu telahpun terkuras semenjak beliamu.
Semangat mu mencari nafkah, membuat tubuhmu kian membungkuk.
Meski tertatih, kau langkahkan kakimu yang tak lagi kokoh. 
Tanganmu tergetar menggapai asa.

Aku..!
Tak bisa membahagiakanmu.

Aku.., hanya bersedih dalam salahku. Menangis atas ketidakmampuanku.

Aku..!
Hanya bisa menikmati ketakberdayaanku. Tak jauh beda, ketika masih belia usiaku..


TABIK,..

Bekasi, 19 April 2010

'Muly Lappung' (Dangdut etnic)

Ajo cekhita..

Cekhita muly lappung.

Sikop ni mak kahingga.

Buyun mak tanggung- tanggung.

Mata sipit injuk cina.

Ketutuk ikhung ni mancung.

Ngaji ni ya khajin nana.

Sembahyang mak pekhnah ukhung.

Sennang ku khasa.

Kinyak dapok ngandan-ya.

Busukukh di Kuasa.

Ki dapok nyak semaya

Ki mingan bu-khumah tangga...

Cawa ni tata..

Tingkah laku ni buyun.

Kahud Say tuha

Di Puwakhi seuyun

Mak melamon cela wada

Cawa ni selalu santun

Di inday mak ngapubida

Mak demon ngicik jak tundun

Senang ku khasa 

Kinyak dapok ngandan ya.

Busukukh di Kuasa.

Ki dapok pujama ya.

Ki mingan bukhumah tangga...

Muly goh sina..

Halok mak ngidok lagi.

Keliling dunia. 

Sampai di uncuk bumi.

Tagan nyak butakhuh nyawa.

Asal dapok ngandan kon ni.

Kayak sabah kebun bella.

Kisina sangun kilu ni.

Sennang ku khasa.

Kinyak dapok ngandan ya.

Busukukh di Kuasa.

Ki bulamban jama ya.

Ki mingan bukhumah tangga...

Tabikpun...

Bekasi, 17 November 2009 

Hendri semaka

Essay: NAMA HARI KOQ JADI 'NAMA,...?'

Apa arti sebuah nama..?
Ungkapan ini sering kita dengar, dalam kehidupan sehari-hari. Itulah sebabnya, (mungkin) bagi sebagian orang, memberi nama kepada anak adalah hal yang 'biasa2 saja' atau terkesan asal-asalan.

Disadari atau tidak, setiap daerah memiliki karakteristik dalam pemberian nama kepada seorang anak.
Pemberian nama ini biasanya dipengaruhi oleh marga atau makna dari nama tsb. 

Seseorang anak, diberi nama eka, eko, utama, atau pratama jika sang anak adalah anak pertama. Dwi untuk anak kedua, atau tri untuk anak ketiga.

Di bali,... nama seperti wayan, komang, gusti, atau ida, sering digunakan.

Jika anda mendengar nama sinaga, panjaitan, manurung, atau nasution; anda pasti bisa menebak, bahwa yang bersangkutan adalah berasal dari sumatera utara.

Deden, asep, yayat dan mimin, adalah empat dari puluhan nama2 orang, yang 'pasti' berasal dari sunda atau jawabarat.

Sedangkan akhiran; to, yo, dan no, adalah imbuhan nama yang sering dipakai oleh pria atau lelaki asal jawa tengah. Sebut saja: yanto, yono, atau priyo.

Lalu bagaimana dengan lampung..?
Dibumi ''saburai'' ini, dahulu, nama seseorang dipengaruhi oleh nama-nama dari arab dan moulayu (melayu). 
Kendati dilampung ada juga marga2 atau buay, namun hampir tidak bisa ditemukan nama2 marga dilampung yg dilekatkan pada nama seseorang. (seperti halnya saudara2 kita dari dari sumatera utara).
Fattah, muhammad..., yusuf, ahmad... Adalah contoh nama yg sering dipakai oleh pria2 dilampung.
Sedang untuk perempuan; khadijah, may munah, asimah, may syaroh dsb.
Atau imbuhan nama 'syah' yg cenderung dipakai orang2 melayu semisal firmansyah, irwansyah, syahroni, atau syahlani, sering juga dipakai orang orang dilampung.

Digerbang sumatera ini, ada juga pemberian nama yg mungkin agak lucu dan tidak ada di daerah lain.
Yakni pemberian nama berdasarkan 'hari kelahiran' seseorang.
Nama2 seperti ahad, senin, selasa, khebu, kemis, atau jemahat, sering dipakai di lampung. terutama di daerah kota agung.

Sebenarnya nama2 tersebut, awalnya hanyalah untuk sementara.
Mungkin sang orang tua belum memiliki biaya untuk syukuran pemberian nama, atau sang orang tua belum memiliki nama 'yang cocok' untuk sang jagoan.
Namun ''nama sementara'' si anak terlanjur tenar dan dikenal. baik dilingkungan keluarga, kerabat, atau teman sebaya si anak.
Sehingga meski telah diganti, terutama pada saat anak hendak masuk sekolah, 'nama sementara' si anak tetap dipakai. (kelanggoh... Puakhi).

Ditahun 70-80han nama nama barat semisal herman, dicky, dedy, atau tony, sering digunakan dilampung.
Bahkan akhir2 ini, nama2 kalangan artis sering ditambah orang tua untuk anak anak nya.
(Mungkin sang orang tua sangat meng-idolakan artis ybs, atau berharap sang anak menjadi artis...? He..hee...


TABIK..

Bekasi, 27 Februari 2010