wayak: SEBAMBANGAN"

oleh Hendri Semaka pada 30 Juli 2010 pukul 10:31 ·

Ajo sukhat ku emak
Kutuju ko mid kuti
Ajo sukhat ku bapak
Mahap ko pay nyak lawi

Ku pik ko dibah battal
Sakking mak bani hati
Lain anakmu nyikkal
Pilih mak mundukh lagi

Khadu mindua bakha
Mak payu hani kuti
Abangku anak ngukha
Kutti mak khilau hati

Bukundang sikam abang
Lain kah bebuhungan
Sakik tagan kusandang
Sikam lapah bambangan

Ajo wat 'pengluahan'
Balaq ni mak sepikha
Nyak ngilu kekhila'an
Bulamban nyak jama ya

Lain ki nyak mak sayang
Jama kuti sang lamban
Di hati mak do bimbang
Nattu ko kelajuan

Lain hati mak sakik
Ninggal ko adik nakan
Kidang haga khappa pik
Khadu tulis ni Tuhan

Cutik sukhat ku kakhang
Nuju mid kuti lawi
Kutulis dalih miwang
Selossokan dihati

Khadu sampai juduku
Ganta nyak bulapahan
'Penakau' khadu nunggu
Kussiku 'sebambangan'

'..BERANGKAAAT...!!!'


bekasi, juli 2010.
tabikpun..