SEGATA: SUKHAT
Lain nyukup ko sakhat
Bulamban khadu beni
Pahik sakik, ku sansat
Ngekhaba nyesol dukhi
Jak lunik nyak melakhat
Lain mak ni pandayi
Kidang hamu, lom pakat
Niat mak khubah lagi
Ngingok sumpah di Akad
Sina pegungan dikhi
Hatimu katun jahat
Di hulun tuha wakhi
Induh ki sangun niat
Anjak tumbay sakaji
Kahud mu khadu mawat
Menok nyak, niku beji
Kidang lain Malaikat
Nyak moneh lain Nabi
Kipak sabakh bu lipat
Bu kukhang unggal khani
Ganta niat ku bulat
Bu janji, dilom hati
Najin sampai kiamat
Lijung mak moloh lagi
Khila dunia Akhirat
Dusa kuti mak lagi
Mula ku pik ko sukhat
Kantu Nyak mati dudi
Tabikpuun..
Hyogo ken, Japan
03 Agustus 2013
Hendri semaka
Tidak ada komentar:
Posting Komentar