Segata: Puwasa

Assalamu'alaikum,.. wr..wb..

Mahap pekhwatin khamah
Tabik say Tuha khaja
Ajo say ngukha nengah
Najin ya Khanja-khanja

Hukhik di zaman ganta
Injuk mak ngekhanyaman
Selunggu Kham di hakhta
Mak mekhiwoh ko Iman

Nyani dusa Kham samal
Bulapok unggal khani
Sehitung Kham di amal
Injuk lana di Bumi

Najin ya mawat nyata
Dusa khik kesalahan
Mulai jak pedak mata
Bulapok pelegohan

Ngucap Alhamdulillah
Togok bulan puwasa
Nemon nemon ibadah
Kenyin bukukhang dusa

Ajo kakuwa masa
Ibadah jama Tuhan
Kalau Bella mak nyisa
Segala kesalahan

Mawat mingan ti lapok
Angkah genok sebulan
Kekalau lagi togok
Kham tungga tahun depan

Puluh jakhi busumbah
Nyak mundukh kilu khila
Ganta Nyak nangguh debah
Segata khadu bella

Tabikpun..
Hendri Semaka
Bekasi, 25 Mei 2019

Wassalamu'alaikum,.. wr..wb..