"KAGAK NYANGKA"

Hari Jum'at depan apotek

Liat cewe' paras nye cantik

Kulit mulus gak pake burik

Idung mancung bukan nye plastik

Body bohay gitar Accoustic

Bibir mere gak pake lipstik

Mate ane langsung melirik

Abis si Do'i emang menarik

Biar tampang Ane pas-pasan

Kata orang kayak kukusan

Kalo udah liat perawan

Ane ngerasa Vino bastian

Apelagi ni kesempatan

Do'i lagi jalan sendirian

PD ane di level Lapan

Ane samperin, ngajak kenalan

Basa basi di permula'an

Ibarat minum sebelum makan

Abis ntu kasih tembakan

Biar Do'i terbang ke awan

Emang dasar ni hari baik

Di terime ame si cantik

Puas ngobrol depan apotek

Nganter pulang pake si matic

Nyampe rume nye, tambah asik

Ngopi ame makan keripik

Muter dangdut lagu A.rafiq

Obrolan kite tambe menarik

Die kagak demen Diskotik

Kate Do'i bikin berisik

Doyan kredok gak suka Bistik

Seneng kebaya bahan nye batik

Kite masih di teras depan

Enyak babe di Ruang makan

Enggak lame, eh,, turun ujan

Suasane makin berkesan

Ujan reda, Ane pamitan

Malam minggu kite janjian

Nonton Bioskop e Bedua'an

Bang Benyamin film nye Tarsan

TABEK,,

Hyogoken 07 Oktober 2013