Sabtu, 19 Oktober 2013

"JIMAT DUNIA"

Lapah Adek khik Nakan
Puwakhi inday kanca
Ajo cutik sekiman
Kham Hija jama-jama

Lain Ijah Tawwaian
Astawa Nyak sempukhna
Ajo guwai ajoman
Ki telibak di Kita

Kantu Tengan bagian
Cukup segala-gala
Dang lupa jama Tiyan
'Mak, Bapak Hulun tuha

Helau ni tenemuan
Kedok nyani kham lupa
Lupa Bajang khik Dugan
Maklum, khadu kelapa

Sedop nihan Kham mengan
Emak kham mak ti binta
Wat kodo lom angonan
Mengan kodo ya Ganta

Pedom kham kehandopan
Kasukh, Piyu kham busa
Ina kham kengisonan
Bu Hinjang, apai hada

Lapah, kukhuk Angonan
Kham ingok ko pudak na
Buwok khadu hubanan
Segala mak kuwawa

Mak panjak pemeno'an
Ipon ni ngukhang juga
Badan ni ngekhayangan
Halok Kham, say nganik ya

Ingok kodo indayan
Lagi kham lahikh saka
Nyawa jadi takhuhan
Mak mati kindo lakha

Ni posok kak kham mengan
Nyemik kham moneh diya
Ya mejong kham ni taban
Pedom ni suppik juga

Ki haga sedacingan
Se ukukhan di jasa
Tapak kham bulapahan
Pagun juga bunjak ya

Mawat ngedok bandingan
Kahud mak akhu bella
Jak lagi lom teggupan
Togok mak lagi nyawa.

TABIKPUUN,,
Hyogoken, 18 september 2013

"PUISI LAMPUNG"

"MID NIKU, SAKA"

Khadu pay.. Haku.
Kham sangun mak sejengan.
Khadu pay haku adik.
Niku lamon sai ngandan.
Khaja ku, khaja kita.. Hulun tuhamu, sayang.

Mak pandai kodo?
Khappa lakun na din-nyak.
Mak pandai niku kodo?
cawa khibok ni dinnyak...?

Lemoh hatiku sayang...
Kham mingan ngandan khasan.
Lemoh awot ku adik...
Kikham nekhak lapahan.

Khadu, sayang...
Bacak ti khakhadui pay.
Nyin pun beliawan suka.
Khadu yo adik...
Nyin tiyan mawat gamba.
Ngedok anak batin, nukhut di ijah cawa.

Mak kukhatongi sayang...
Tayuhmu pitu bingi.
Mak ku tata api adoq mu ganta.
Kipak khiya, kusambang jak duakha...
Kupastiko, niku nayuh sempukhna.

Ku kikhimko, sayang,.. tanda iko'an kita.
Ali-ali tenganyam, jak jukuk jaba.

Hakhapanku sayang... Dang gelluk ya di kacay ko.
Tagan melayu, banjakh di mandaliun mas mu.
Kak togok masa ni... Ya lebon di kanik khani.

Mak lagi sayang...
Hiwangmu tengah bingi.
Mak lagi adik...
Lamun mu disekapan.
Andah ni udo mu, si ngejaga di gakhang.
Waktu kham bujanji setunggaan.

Dang lagi sayang.. Nyak di pubiti lagi
Tagan nyak malih,
nutuk kehaga hati.
Belajakh munih ngusikh tagu waya mu.
Ngelupako, sayang khik pengahutmu...

TABIK
Bekasi, 25 desember 2009

Jumat, 11 Oktober 2013

"LAWANG"

Cadang hatiku cadang
Bukundang jak sebekhang
Ku pedatongi Nyak hinjang
Ya ngilu Emas subang

Kidang gelakh ni sayang
Lain kah emas subang
Tagan kipak bu hutang
Ku usungi subang, Gelang

Cadang hatiku cadang
Ya ganta khadu sumang
Kilu lapok pay abang
Cawa ni dalih lalang

Haku acak bang kukhang
Akik hijjo Ngehutang
Ki khena kita lipang
Timbal ni kasakh hatang

Haccukh hati ku kundang
Injuk ni sagai samang
Sakik hati ku sayang
Injuk ni sengik kalang

Cikan ya mak kutanang
Khawan nyak mikikh Tijang
Mak benni ga, Nyak mulang
Nguccang ko Gelang subang

Anjak isan Nyak suwang
Cutik-cutik Nyak miwang
Bulan Induh ke bilang
Pikikhan juk jemow lawang

Temon hani Mang ujang
Puwakhi anjak Serang
Mula khisok sembahyang
Makhi pikikhan happang

Mak benni ga bu selang
Nyak Ngena bintang tekhang
Mansa cewe' jak Mincang
Kukhu'an Talang padang

Bapak ni ngebun lepang
Lamban ni balaq lapang
Usungan mubil kijang
Pudak sikop mak kukhang

Labung Banjekh ku sikhang
Gelakh ni kundang sayang
Ngobrol sikam di gakhang
Kekikha jam walu kukhang

Ampai hati ku senang
Luwah kupi khik kacang
Obrolan Mangkung tijang
Khadu ku khasa sumang

Cutik-cutik ya lalang
Mak benni iya miwang
Injuk ni wat say kukhang
Tilah ji muli lawang

Nyak luccak langsung habang
Kok sepatu ku tippang
Tekanjat,, wat say nendang
Bangun.. bangun.. 'dah siang.

(sssszzzz... emang jam berapa si..??)

haaaaa....

Tabik,
Kesol, 5 oktober 2013

Minggu, 06 Oktober 2013

"PUISI SEPTEMBER"

KAKEK '65

Kakek, sudah tua.

Percuma saja, Kalian bertanya.

Kakek kan harus lupa..?

Memang,, waktu itu kakek masih remaja.

Tujuh belas tahun..!

Tapikan, kakek sekarang pikun

Jadi,
Biarkan kakek tidak ingat apa-apa

21 september 2013


'SUMUR'
 Kebusukan kekal terpendam
Bersama gelap dan tanda tanya

Rupa bunga-bunga nan wangi
Telah pula di angkat
Wangi nya menyerbak ke seluruh Negeri

Menambah kebusukan makin nyata di dalam sana

Tak mampu kita gali
Hanya berbondong kita menuju hati

Ulah siapa ini..?
Lalu pergi, tutup hidung sendiri sendiri.

24 September 2013


'KIDUNG BINASA'

Padi mati
Jagung mati
Di makan Genjer..

Singkong mati
Ubi mati
Di makan kangkung..

Binasalah.. binasalah..

Orang-orang mati keracunan Genjer
Sisa nya mati tercekik kangkung

Binasalah.. binasalah..

yang paling binasa adalah sang pencipta syair

Tapi siapa..?

Bukankah Kalian semua adalah pencipta nya..?

Binasalah.. binasalah..Semua.

25 September 2013

TABIK.
Hyogoken, September 2013