Selasa, 18 Juni 2013

"PENAYUHAN JUKHAGAN"

Mehanjak hati, unyin tiyan sang lamban
Pujejama, ngesai di penayuhan
Anak tuha khadu ngulang ko khasan
Setatuhu, niat haga Bulamban

Kaban puakhi, mulang anjak khantawan
Lebon suya, waya unyin pikikhan
Senang hati, isi ni Pemekonan
Lain nyuwi, pengahut mid jukhagan

Tikeni adok, silsilah ni Jukhagan
Lain tengilu, khadu tulis ni badan
Khang busadu, palas jadi tutukan
Jak kebuayan khik unyin Anak nakan

Senga Makhga, jak unyin Kebandakhan
Bugantian, khatong ngisi ukhawan
Batin, Dalom, Khaja dalih Pangikhan
Di kelasa, mejong di hakhis depan

Khanno puakhi, ki Jukhagan Ngebayan
Bukhani-khani, mak cukup di kebian
Jak ngekhikhik, togok di penikolan
Ngegikhik bukha, majak lepot khik pangan

Bukhaddayan, tudung Gubikh di depan
Togok ngamin. Du'a pakai kebayan
Buasakhan kak khadu se'olohan
Bukkakh kubu, tanda lepun Tayuhan

TABIK...
Hyogo Ken, 2 Juni 2013